Ondarroan, 2010eko uztailaren 28an
Euskal Autonomi Erkidegoko Auzitegi Gorenak bertan behera laga du behin behinean Alleriko paduran 500 etxebizitza eraikitzeko Ondarroako Udal Gestoraren plan berezia. Epaitegiak kontuan hartu ditu herri mugimenduak aurkeztutako arrazoiak. Besteak beste: plana zahartutako arau subsidiarioen gainean egin dela eta ezin dela IKL-LIC babes ekologikoa daukan espazio bat lur eraikigarri izendatu.
Arrazoi hauek, eta beste asko, behin eta berriro aurkeztu dizkiogu Udal Gestorari, hamaika alegazioren bitartez. Baina sekula ez dute kontuan hartu herritarrek emandako azalpen bat bera ere. Udal Gestorak beste interes batzuen arabera osatu baitu plan hau: interes ekonomikoekin, eraikuntza enpresak diru publikoarekin hornitzeko asmoarekin, hain zuzen ere. Egoera honek ondo erakusten du zein den Gestora honen izaera: herritarren eskariei kasurik egin gabe, negozioa egitera etorri dira herrira.
Herri mugimenduak egindako ahaleginak gelditu du, momentuz, sarraski hau. Udaleko Gestorako arduradunengatik izan balitz, proiektuak aurrera egingo zukeen, herritarren beharrizanak edota legediak kontuan eduki barik. Delitu posible bat egin dute ia-ia, modu kontzientean eta herritarrek aurkeztutako arrazoiei kasurik egin barik. Eta delitu honen bultzatzaileek izen eta abizenak dituzte.
Gainera, ezin dugu ahaztu proiektu honen lehen zatia martxan dagoela oraindik. Udal Kudeaketa Batzordeak Zaldupetik Allerira doan bidean obrak egin nahi ditu, Alleriko etxeetara gasa, ura, elektrizitatea
… eramateko. Baina Auzitegiak 500 etxeen inguruan hartutako erabakiak legitimitatea kentzen die pasealekuko obrei ere, bi proiektuen izaera eta eragin sozial eta ekologikoak antzerakoak direlako. Obra horiek ere gelditzea beharrezkoa da!Gure aldetik, herritarrei dei egiten diegu hurrengo aste eta hilabeteetan burutuko diren mobilizazioetan parte hartzera. Denon esku dago geure padura defendatzea; eta baita diru publikoa onura publikorako erabil dadin eskatzea, edota legitimitaterik gabeko Udal Kudeaketa Batzorde honen jarduera ilunak salatzea.
Eskerrik asko eta aurrera!
Alleri Zainddu plataforma! ( Eguzki, Berdeak, Mutriku Natur Taldea, Ekozain, Ezker abertzalea, Aralar, Ondarruko Gazte Asanblada )eguzki lea artibai <eguzkileartibai@gmail.com>
Comentarios
Publicar un comentario
Que para que una publicación tenga legitimidad estén seguros que publicaremos los comentarios, rectificaciones, respuestas y criticas que estén escritas con respeto a las normas de cortesía habituales, aunque sean contrarios a nuestra linea de pensamiento o a alguno de nuestros colaboradores.
Por lo contrario, en caso de que se lleguen a nuestro Blogg esos comentarios ilícitos o falsedades los eliminaremos de oficio en cuanto tengamos conocimiento de los mismos, para evitar del daño que pretende causar el autor de tales comentarios.